Muxía

A MÚSICA

A música, en harmonía co bater das ondas e os sons da natureza, será a gran protagonista de Mar Aberto.

Gozarás de concertos deseñados tendo en conta a singularidade de cada espazo, cunha proposta escénica e un repertorio que che farán vivir actuacións únicas e irrepetibles.

02 AGO

Mercedes Peón

Compositora, vocalista e instrumentista galega, Mercedes Peón está considerada como unha das mulleres máis carismáticas do circuíto da world music actual. A súa música contén unha gran variedade compositiva dende os ritmos máis ancestrais ata temas eclécticos e descaradamente vibrantes. O seu amplo repertorio e a enerxía que se apodera de cada unha das súas actuacións fan desta muller unha figura fundamental no panorama europeo contemporáneo.

Mondra

Martín Mondragón, máis coñecido como Mondra, perfílase como a nova estrela do trad, un xénero en auxe que bota man da música tradicional galega e a converte nun son totalmente actual. Artista, cantante e bailarín, Mondra é un dos nomes máis frescos e prometedores da nova escena musical galega.

A apertura de portas será ás 19:30 horas. Ás 20:15 horas comezaremos cunha sesión dirixida pola Señora dj, creando un momento de desconexión que che permitirá fusionarte coa paisaxe e a espectacular contorna do Faro Punta da Barca.

Ás 20:45 horas comezará a actuación do artista galego Mondra.

Ás 21:30 horas faremos un rápido cambio de backline, un momento que poderás aproveitar para gozar da nosa proposta gastronómica na zona chill out.

E ás 21:45 horas, a recoñecida artista galega Mercedes Peón subirase ao escenario para facernos vibrar cunha actuación chea de enerxía.

Unha vez rematado o concerto, a festa continuará cunha última sesión de Señora dj que nos fará bailar ata as 00:00 horas.

03 AGO

Budiño

Budiño subirase ao escenario de Mar Aberto para presentarnos Branca Vela, o oitavo disco deste recoñecido compositor galego. Un exclusivo espectáculo en directo que combina o virtuosismo de Budiño cunha gran conxunción de música e baile, que mestura ritmos, sons, instrumentos e percusións tradicionais coa electrónica máis revolucionaria. Unha oportunidade única de poder ver no escenario a un gran referente da música galega.

Zeltia Irevire

Zeltia Irevire é un trío de Folk Tribal, que mestura blues, foliada e folk atlántico. Con Migui Carballido ao bodhrán, Cibrán Seixo ao violín e Zeltia Acuña á voz e guitarra, Zeltia Irevire subirase ao escenario de Mar Aberto para presentarnos un directo cheo de forza.

A apertura de portas será ás 19:30 horas. Ás 20:15 horas comezaremos cunha sesión dirixida por Rapariga dj, creando un momento de desconexión que che permitirá fusionarte coa paisaxe e a espectacular contorna do Faro Punta da Barca.

Ás 20:45 horas comezará a actuación do grupo galego Zeltia Irevire.

Ás 21:30 horas faremos un rápido cambio de backline, un momento que poderás aproveitar para gozar da nosa proposta gastronómica na zona chill out.

E ás 21:45 horas, o recoñecido artista galego Budiño subirase ao escenario para facernos vivir unha actuación máxica.

Rematado o concerto, a festa continuará cunha última sesión de Rapariga dj que nos fará bailar ata as 00 horas.

Venda de entradas

CONTORNA E PATRIMONIO

Mar Aberto é unha experiencia que terá lugar nalgúns dos recunchos máis fermosos e impresionantes da costa galega. A contorna, a paisaxe, a natureza, a gastronomía e o patrimonio son elementos fundamentais que che permitirán gozar da riqueza dun territorio único: Galicia.

Faro Punta da Barca

Nas inmediacións do emblemático Santuario da Virxe da Barca, lugar de culto máxico-relixioso e fin do Camiño de Santiago a Fisterra - Muxía, atópase o Faro de Punta da Barca. As pedras máxicas, das que destaca a famosa Pedra de Abalar, supoñen un compoñente máis do rico patrimonio deste lugar.
Detrás do faro e a escasos metros, dende o monte e miradoiro do Corpiño, pódese ver Cabo Vilán e o Monte Facho, mentres se goza do solpor sobre o mar.

Muxía é unha vila mariñeira da Costa da Morte onde conflúen camiños, mar e tradición. Un rico patrimonio arquitectónico popular, onde predomina a pedra como elemento principal, coa espectacularidade das paisaxes costeiras, visibles dende os miradoiros que se sitúan en distintos puntos do territorio.

A gastronomía é outro dos seus puntos fortes, con todo o que este bravo océano ten para ofrecer.

COMO CHEGAR

Mar Aberto pretende ser un evento 100% sostible por este motivo, e co principal obxectivo de respectar a contorna evitando desprazamentos masivos en coche, propoñémosche chegar a pé, facendo un pequeno paseo dende o aparcadoiro do porto de Muxía ata o faro.

Dende alí haberá que atravesar as rúas de Muxía e camiñar uns 600 metros polo paseo que leva ao Santuario da Virxe da Barca, cunhas fermosas vistas da costa. O camiño está totalmente iluminado, polo que ao finalizar o concerto será fácil percorrelo de volta.

MOI IMPORTANTE: O acceso en coche ao faro estará cortado, polo que recomendámosche utilizar o aparcadoiro e o posterior acceso a pé.

Venda de entradas

LOCALIZACIÓNS E ESCENARIOS 2024

Venda de entradas