FESTIVAL MAR ABERTO

Venda de entradas

A  MÚSICA

A música, en harmonía co bater das ondas e os sons da natureza, será a gran protagonista de Mar Aberto.

Gozarás de concertos deseñados tendo en conta a singularidade de cada espazo, cunha proposta escénica e un repertorio que che farán vivir actuacións únicas e irrepetibles.

26 XUL

Ute Lemper

Ute Lemper é unha das cantantes alemás máis importantes das últimas décadas. En 1983 participou na produción vienesa de Cats e dende entón comezou unha frutuosa carreira como cantante de musicais, protagonizando Cabaret e Chicago en Londres e Nova York. É recoñecida a súa interpretación doutras que interpretaron no seu día Marlene Dietrich, Édith Piaf, Lotte Lenya, Jacques Brel ou Léo Ferré. Os seus máis de trinta anos de carreira permitíronlle exhibir o seu talento nos principais teatros do mundo. Conta con 5 nomeamentos aos premios Grammy.

Marem Ladson

Marem Ladson, compositora e guitarrista galega estadounidense, é unha das grandes revelacións da música española dos últimos tempos. Despois de debutar na primavera de 2018, cun primeiro álbum que acadou críticas entusiastas, participou en innumerables festivais nacionais e internacionais.

A apertura de portas será ás 19:30 horas. Ás 20:15 horas comezaremos cunha sesión dirixida por Señora dj, creando un momento de desconexión que che permitirá fusionarte coa paisaxe e o espectacular entorno do Faro Corrubedo.

Ás 20:45 horas comezará a actuación da artista galega Marem Ladson.

Ás 21:30 horas faremos un rápido cambio de backline, un momento que poderás aproveitar para gozar da nosa proposta gastronómica na zona chill out.

E ás 21:45 horas, a artista alemá Ute Lemper subirá ao escenario para facernos gozar coa súa impresionante voz.

Haberá servizo de autobús de volta ao centro de Corrubedo ás 23:15 horas.

Rematado o concerto, a festa continuará cunha última sesión de Señora dj que nos fará bailar ata as 00:00 horas.

Os que se animen a gozar da última sesión de dj deberán regresar a pé. A distancia a pé ata o centro de Corrubedo pódese facer en menos de 15 minutos.

27 XUL

Céu

Céu é considerada unha das artistas máis importantes da música popular brasileira. Gañadora do Latin Grammy 3 veces, é recoñecida como unha das artistas máis influentes da súa xeración. Céu conseguiu dar a coñecer os xéneros tradicionais da cultura carioca; mesturando jazz, pop, sons africanos, rock e electro. Ela, cantante e compositora, soa a ritmos modernos con sambas tradicionais.

Brais Morán & Nasaufunk

Coñecido como o cantante e guitarrista da banda galega de funk Loretta Martin, Brais Morán constrúe agora outro universo paralelo onde decide coller a guitarra e poñerlle unha voz máis desgarrada a unhas cancións con letras máis persoais. Brais Morán & Nasaufunk subiranse ao escenario de Mar Aberto para presentarnos o seu novo disco "Revolución Chic".

A apertura de portas será ás 19:30 horas. Ás 20:15 horas comezaremos cunha sesión da man de Rapariga dj, creando un momento de desconexión que che permitirá fusionarte coa paisaxe e a espectacular contorna do Faro Corrubedo.

Ás 20:45 horas comezará a actuación da banda galega Brais Morán & Nasaufunk.

Ás 21:30 horas faremos un rápido cambio de backline, un momento que poderás aproveitar para gozar da nosa proposta gastronómica na zona chill out.

E ás 21:45 horas, a artista brasileira Céu subirase ao escenario para facernos vivir unha actuación máxica.

Haberá un servizo de autobús de volta ao centro de Corrubedo ás 23:15 horas.

Rematado o concerto, a festa continuará cunha última sesión de Rapariga dj que nos fará bailar ata as 00:00 horas.

Os que se animen a gozar da última sesión dj deberán regresar a pé. A distancia a pé ata o centro de Corrubedo pódese facer en menos de 15 minutos.

Venda de entradas

CONTORNA E PATRIMONIO

Mar Aberto é unha experiencia que terá lugar nalgúns dos recunchos máis fermosos e impresionantes da costa galega. A contorna, a paisaxe, a natureza, a gastronomía e o patrimonio son elementos protagonistas que che permitirán gozar da riqueza dun territorio único: Galicia.

Faro Corrubedo

Dende 1853 o faro de Corrubedo resiste á forza do océano coa súa escasa altitude sobre o nivel da costa. Dende a súa privilexiada posición, ilumina a entrada da Ría de Muros e Noia para que os barcos eviten os perigos deste litoral. A súa contorna ofrece unhas vistas que van dende as dunas do Parque Natural ata o cabo Fisterra.

Corrubedo

Estamos en Corrubedo, unha vila mariñeira que se viu revalorizada durante estes últimos anos como un importante destino de segundas residencias ata se converter nunha das localidades de tendencia no noso litoral. Non é de estrañar, a súa contorna e as súas praias ben pagan a pena. A uns poucos quilómetros encóntrase Ribeira, a capital do concello, cunha interesante oferta cultural e gastronómica.

COMO CHEGAR

Mar Aberto pretende ser un evento 100% sostible por iso, e co obxectivo principal de respectar a contorna evitando desprazamentos masivos en coche, dispoñeremos dun servizo de autobús dende a zona de aparcamento público situada en Corrubedo ata o faro.

Ás 19:30 horas realizarase un servizo de autobús lanzadeira gratuíto dende o aparcadoiro público, situado na Estrada do Faro 5, a estrada que vai dende Corrubedo ata o faro.

Ao rematar o último concerto, ás 23:15 horas haberá outro servizo de autobús lanzadeira dende o faro ata o aparcadoiro.

Este servizo será exclusivo para as persoas con entrada, polo que terás que presentala ao persoal de seguridade antes de subir ao autobús.

MOI IMPORTANTE: O acceso en coche ao faro estará cortado,recomendamos o uso do aparcadoiro proposto e o posterior acceso en bus lanzadeira ou a pé.
Venda de entradas

LOCALIZACIÓNS E ESCENARIOS 2024

Venda de entradas